|
تانوته‌كانی(شێرزاد فاتح)
وتالاسیمای زانیاری
ملاحسن قادیانه‌یی
QADIYANI@GMAIL.COM
من واده‌زانم نوسین به‌گشتی‌وكاری ڕۆژنامه‌نوسی به‌تایبه‌تی به‌رله‌وه‌ی
گوزارشت له‌هه‌رشتێك بكات كارێكی ئه‌خلاقیه‌و په‌یوه‌ندی ڕاسته‌وخۆی هه‌یه
به‌سلوكی ئینسانه‌وه بۆیه پێویسته من‌و هه‌ركه‌سێكی تریش كاتێك خامه
ده‌خه‌ینه سه‌ر ڕوپه‌ڕی كاغه‌زه‌وه ئه‌بێ بیرله‌وه كه‌ینه‌وه كه‌خامه
كه‌لگرتن به‌نیازی نوسین مه‌زنترین به‌ر پرسیاریه‌تی پێوه‌یه‌و به‌رامبه‌ر
خودا‌و مرۆڤه‌كان‌و كۆمه‌لگاش كه‌وابو گه‌وره‌ترین سته‌مه تۆ بێیت به‌ناوی
نوسینه‌وه سته‌م له‌خامه بكه‌یت‌و كه‌سایه‌تی پیرۆزی ئه‌و‌و نوسین ناشیرین
بكه‌یت به‌داخه‌وه ده‌یلێم گه‌رژماره‌شیان كه‌م بێت به‌لام كه‌سانێك هه‌ن
له‌ڕۆژگاری ئه‌مرۆ دا پیرۆزی نوسین‌و كاری ڕۆژنامه‌نوسی ناپارێزن
به‌لكوهه‌رچیه‌ك حه‌زی سه‌رشێتی پێوه‌بكه‌ن‌و له‌به‌رژه‌وه‌ندی ته‌سكی
ئه‌واندا بێت بازیانیش به‌مرۆڤایه‌تی‌و كۆمه‌لگا بگه‌ینێت ده‌نو كی تێده‌خه‌ن‌و
ده‌یكه‌ن به‌ڤایرۆسی نه‌خۆشیه‌كی كوشنده‌‌و مرۆڤایه‌تی‌و كۆمه‌لگاشی
پێده‌خه‌نه مه‌ترسیه‌وه .
ئه‌وه‌ی من لێره‌دا مه‌به‌ستمه بیلێم‌وهه‌ندێك لێدوان‌و ڕونكردنه‌وه‌ی
له‌باره‌وه‌بكه‌م چه‌ند به‌رچاوڕونیه‌كه بۆ به‌رێز(شێرزاد فاتح)هه‌لبه‌ته
دوای ئه‌وه‌ی نابراو چه‌ند دێرێكی نه‌گونجاوی نوسی سه‌باره‌ت به‌م خولانه‌ی
وه‌زاره‌تی ئه‌وقاف له‌پشوی هاویندا بۆمندالانی كوردوستانی كردۆته‌وه.له
سایتی كوردوستان نیت بلاوی كردنه‌وه .منیش له‌به‌ركه‌م‌وكالی نوسینه‌كانی
ناوبراو ناچاربوم وه‌لامێكی بده‌مه‌وه به‌هیوای ئه‌وه‌ی كاكه شێرزاد
پێداچونه‌وه‌یه‌ك به‌خۆی‌‌و نوسینه‌كانی دابكاته‌وه به‌لام وادیاربو ئه‌و
به‌وه‌لامه كه‌ی من سه‌رگران بووئه‌وه‌ی من لێی حالیبم هه‌لسا به‌ناوێكی
خواستراوه‌وه گوایه وه‌لامێكی منی داوه‌ته‌وه وه‌لامێك كه‌پڕبو له‌ته‌شهیر
جنێو‌وقسه‌ی بێ مانا به‌هه‌رحال من خۆمم پاراست له‌وه‌ی كه بكه‌ومه
ده‌مه‌ته‌قه‌‌و جنێودان‌و سوكایه‌تی چونكه جنێودان پیشه‌ی مرۆڤی
ئاسایی‌ونۆرمال نیه‌‌و ڕه‌نگه له‌وبراده‌ره جوان بێ به‌لام بۆمن زۆر
ناشیاو‌وناشیرینه .
كه‌چی كاك شێرزاد به‌وه‌شه‌وه نه‌وه‌ستا به‌لكو ئه‌مجاره‌یان زیاتر له‌جاران
خۆی خسته ڕه‌هه‌ندی تۆمه‌ت‌وتانوتی بێ بنه‌ما‌و دوورله‌ڕاستی بۆیه
به‌پێویستم زانی كه‌به‌چه‌ند خالێك وه‌لامی ئه‌م نوسینه‌ی (شێرزاد فاتح)
كه‌له‌ژێرناونیشانی "كه‌س بڕواده‌كات له‌نێوان مۆسیقا‌وگۆرانی‌و سه‌رحالیدا
مندالان چون بۆحوجره هه‌لبژێرن –وه‌لامێك بۆمه‌لا حسن قادیانی"بده‌مه‌وه
بۆئه‌وه‌ی ناوبراو‌و هاوڕێیانی كه‌مێك پێداچونه‌وه به‌خۆیان دابكه‌نه‌وه‌‌و
له‌خه‌وی وشتر به‌خه‌به‌ربێن‌و ده‌رك به‌ڕوناكی بكه‌ن . ئه‌گه‌رچی من ناتوانم
به‌نوسین هه‌مو شتێك بخه‌مه‌ڕو وه‌لێ هیوادارم ڕۆژگارێك بێت له‌نزیكه‌وه كاكه
شێرزادله چه‌ند شتێك خه‌به‌ركه‌مه‌وه چونكه به‌ڕاستی زۆرن ئه‌وانه‌ی وه‌ك
تۆ‌وچه‌شنی تۆ كه‌من به‌زه‌یی زۆرم پێیان دێته‌وه كاتێك ده‌بینم كه‌وتونه‌ته
ده‌ریا‌و مه‌له‌ش نازانن وشه‌رمیشیانه به‌خه‌لكی شاره‌زابلێن ده‌ستمان بگرن .
هیوادارم كاكه شێرزاد ته‌نها سوكایه‌تی كردنی خۆت به‌من قه‌یناكات به‌لام
به‌ئاین‌و به‌مزگه‌وت‌و قورئانی پیرۆزت لازانست نه‌بێت‌و ئاماده‌بیت به‌و
په‌ڕی سینگ فراوانیه‌وه زانست‌و ڕاستی له‌خه‌لكانی تریش وه‌رگریت .
1- سه‌ره‌تا كاكه شێرزاد. من فه‌توام نه‌داوه وه‌كو خۆت ده‌لێیت به‌لكو
وه‌لامم دایته‌وه وبۆچونه‌كانتم پوچه‌ل كردونه‌ته‌وه جوان نیه كاتێك
له‌زمه‌ت بۆناگیرێ په‌نا به‌ریته به‌ر تۆمه‌ت‌و بوهتانكردن چونكه زۆرینه‌ی
خوێنه‌ران زۆر له‌منو تۆش خوێنه‌وارترن وده‌توانن وه‌لامه‌كه‌ی من بۆجه‌نابت
بخوێن نه‌وه یاخوت زۆرجاران باس له‌ئیسلامی توندڕه‌و ده‌كه‌یت به‌كرچ‌وكالی
ناوی‌من و ئه‌وان تێكه‌ل ده‌كه‌یت كه‌ئه‌مه‌یان بێ مه‌وزوعی تۆده‌گه‌ینێت
هه‌روه‌ك ئه‌مه پیشه‌ی زۆرانی وه‌كو جه‌نابته كاتێك ده‌میان ده‌بێت
به‌ته‌له‌ی ته‌قیو په‌نا بۆتۆمه‌تی ناڕه‌واده‌به‌ن‌و باس له ئوسامه‌و قاعیده
ده‌كه‌ن گه‌رتۆ من به‌وانه‌وه بشكێنیت ئه‌وا منیش ده‌توانم تۆ به‌چه‌ندین
مافیای جیهانی چه‌ندین حزب‌وحكومه‌تی سیكۆلارزمی كه‌چه‌ندین له‌زمه‌ی
مێژویی‌و مرۆیان داوه بشكێنم
2- ئه‌وه‌ی كه‌ده‌شلێیت چه‌ندین ئیمه‌یلت بۆهاتون‌و هه‌ڕه‌شه‌ت لێكراوه
ئه‌مه‌یان كه‌یفی خۆته‌له‌گه‌ل ئه‌وان ئه‌گه‌رچی من نه‌له‌گه‌ل سوكایه‌تی تۆم
به‌رامبه‌ر به‌شته پیرۆزه‌كان نه‌له‌گه‌ل زوبانی هه‌ڕه‌شه‌شم وه‌كاتێك من
ده‌لێم تۆ هێلی سورده‌به‌زێنی. مه‌به‌ستم ئه‌م بێحورمه‌تیه‌ته به‌رامبه‌ر شته
پیرۆزه‌كان كه‌تۆ.به‌ئازادی ڕۆژنامه‌نوسی له‌قه‌له‌میان ده‌ده‌یت .حه‌زده‌كه‌م
كه‌مێك له‌سه‌رئه‌م خاله بوه‌ستیت گه‌رتۆ نوسه‌ربیت‌و وه‌كو خۆت ده‌لێی
سه‌ردانی ولاتانی ڕۆژئاوات كردبێ كه‌به‌داخه‌وه وادیاره له‌وانیشه‌وه هیچ
فێرنه‌بوی ئه‌بێ تۆ تاكو ئێستاكه گه‌یشت بیت به‌وڕاستیه‌ی كه‌كاری نوسین‌و
ڕۆژنامه‌نوسی كۆمه‌لێك پڕه‌نسیپ‌و بنه‌مای سه‌ره‌كی‌و نه‌گۆڕی هه‌ن له‌هه‌مو
جیهاندا نه‌وه‌ك ته‌نها له‌كوردوستان . به‌زاندنی ئه‌م بنه‌مایانه واته ده‌ست
درێژی‌كردنه سه‌ر خودی كاری پیرۆزی ڕۆژنامه‌نوسی له‌نێو ئه‌م بنه‌ما
پارێزراوانه‌دا موهاته‌رات‌و ته‌شهیركردنه به‌شته پیرۆزه‌كان وجنێودانه
به‌كه‌سایه‌تیه‌كان كه‌ده‌بێ بزانیت ده‌رخستنی ڕاستی جیایه له‌گه‌ل جنێوفرۆشی
.من له‌تۆی ده‌پرسم كه‌ئایه تۆ له‌نێو ئه‌م گه‌رمه‌ی ئازادی ڕۆژنامه‌نوسی
سوێید‌و یان هه‌رولاتێكی تری ڕۆژئاوا ده‌توانیت ته‌شهیر به‌پاپا بكه‌یت
سوكایه‌تی به‌ئاینی مه‌سیحی بكه‌یت كه‌من ئه‌ویشیانم پێناخۆشه به‌لام
وه‌كونمه‌نه باسیان ده‌كه‌م . من ڕۆژی 8-8-2007 ئاماده‌ی كۆڕێكی به‌ڕێز
(جمال عبدالله)بوم گوته‌بێژی فه‌رمی حكومه‌تی كوردوستان له ژێرناونیشانی
ڕاگه‌یاندن‌و بنه‌ماكانی گوتی:به‌رپرسی ڕاگه‌یاندنی un له‌كوردوستان هاته‌لام‌و
گوتی ئێمه له‌نزیكه‌وه ئاگاداری ڕاگه‌یاندنی ئێوه‌ین به‌ڕاستی ئه‌م
جنێوفرۆشیه‌‌و سوكایه‌تیه‌ی لێره هه‌یه له‌سه‌ر ڕاگه‌یاندنه‌كانی ئێوه
له‌ڕۆژئاوا‌و ئه‌مریكاش نیه .
3- ئه‌وه‌ش كه‌من گوتومه "تۆشاره‌زاییت نیه له‌نوسین‌و بنه‌ماكانی "وابزانم
به گوێره‌ی ئه‌م قسانه‌ته‌وه خوێنه‌رانیش هاوڕان له‌گه‌ل مندا به‌تایبه‌ت
له‌وه‌لامی یه‌كه‌مته‌وه كه‌دیاره كاكه شێرزاد من نه‌م گوتووه تۆ
زمانه‌وانی نازانیت‌و نازانیت وشه‌به‌سه‌ر یه‌كه‌وه بنێیت هه‌روه‌ك خۆشت
ده‌زانی ووشه ڕیزكردن به‌بێ بنه‌مایه‌كی گونجاوه‌وه نابێته بابه‌تێكی بنیات
نه‌ر.
4- ئه‌وه‌ی نوسینه‌كانی تۆ بخوێنێته‌وه هه‌ست ده‌كات زیاتر له‌هه‌موشتێك تۆ
په‌لاماری حوجره‌كان ده‌ده‌ی‌‌و سوكایه‌تی به‌پیرۆزیه‌كانیان ده‌كه‌ی وه‌كو
ئه‌وه‌ی جه‌نابت زۆر قین له‌دڵ بیت به‌رامبه‌ر به‌م هه‌موو زنجیره
كه‌له‌پیاوانه‌ی سه‌ركردایه‌تی شۆڕشه‌كانی كوردیان كردوه وه‌كو شێخ محمود‌و
قازی‌‌و ملامستفی‌و شێخ سعید‌و...ه چه‌ندینی تری به‌رله‌وان‌و دوای ئه‌وانیش
كه‌سه‌رجه‌میان ده‌رچوی حوجره‌كانی كوردوستانن . یاخوت قین له‌دل بیت
به‌رامبه‌ر "محوی‌‌و نالی‌و قانع‌و وه‌فایی‌و پیره‌مێرد‌و ... چه‌ندینی تر
كه‌بواری ناوهێنانمان نیه لێره‌دا كه‌هه‌مویان به‌مامۆستای شیعر‌و
ئه‌ده‌بیاتی كوردی ناودێرده‌كرێن و سه‌رجه‌میان ده‌رچوی حوجره‌كان بون .
ڕه‌نگه قین له‌دل بیت به‌رامبه‌ر زۆرینه‌ی زانایانی ئاینی كه‌ڕۆلی به‌رچاویان
هه‌یه له‌چاكسازی‌‌و پاكسازی كۆمه‌لگادا‌و ناهێلن خه‌لكی تركۆمه‌لگا به‌ره‌و
هه‌لدێر‌و ئاینده‌یه‌كی نادیار به‌رن بۆتێركردنی ئاره‌زوی سه‌رشێتی تایبه‌تی
خۆیان.
بڕوابكه كاكه شێرزاد بێ حورمه‌تی كردنت به‌رامبه‌ر (حوجره‌كان) بێ حورمه‌تی
كردنته به‌رامبه‌ر سه‌روه‌ریه‌كانی مێژوی گه‌لی كورد, بێ حورمه‌تی‌و بێ
ئه‌مه‌كی ته به‌رامبه‌ر ڕۆلی مێژویی حوجره‌كان له‌به‌رزكردنه‌وه‌ی ئاستی
بیری ڕۆشنبیری نه‌ته‌وایه‌تی گه‌لی كورد . ده‌هه‌رله‌خۆت بپرسه تاخۆ
له‌كه‌یه‌وه قوتابخانه له‌كوردوستان كراونه‌ته‌وه ئه‌ی ناپرسیت به‌رله‌وه
ئه‌م هه‌مو ڕموزه ناودار‌ومێژوییانه‌ی كه‌هه‌ن له‌كوێ ده‌رچونه ؟بێگومان
له‌حوجره‌كان بۆیه تف كردن له‌حوجره‌كان تف كردنه له‌مێژوو له‌خۆمان.
كاك شێرزاد :نمونه‌ی كچێكم بۆدێنیته‌وه به‌ناوی (دیمه‌ن كریم) كه‌گوایه
هه‌شت سال به‌ر له‌ئێستا سالی 1999 له‌كاتی چونه حوجره‌‌و موماره‌سه كردنی
خوێندنی قورئانی پیرۆز له شاری سلیمانی توشی نه‌خۆشی ده‌رونی بوه‌‌و گوایه
ئه‌قلی ئه‌م كچۆله‌یه قه‌بولی قورئانی نه‌كردوه‌‌و دواتر دوربوه له‌گوێ‌گرتنی
مۆسیقا بۆیه شێت بوه .
گریمان ئه‌م حاله‌ته ڕاسته ئایه ئه‌مه هه‌لسه‌نگاندن‌و ته‌قییمی جه‌نابته
بۆ حوجره‌كان . سه‌ره‌تا ده‌كرێت بلێین ئه‌مه‌یان هۆكارنیه به‌لكو هۆكارشتی
تره به‌لام ئێوه په‌یتان پێنه‌بردوه و بیرتان ته‌نها لای قورئانی پیرۆزه
. وه‌خالێكی تری زۆرگرینگ هه‌یه تۆ بۆته‌زلیلی ڕای گشتی وزولم كردن له
حوجره‌كان هێناوته ئه‌ویش حوجره‌‌و ئافره‌ته واته حوجره یانی مانه‌وه
له‌مزگه‌وت‌و درس خوێندن له‌مزگه‌وته‌كان من ته‌حه‌داده‌كه‌م ته‌نها یه‌ك كچ
له‌م كوردوستانه شه‌و له‌حوجره‌یه‌ك مابێته‌وه یاخوت ڕاست تربلێین
حوجره‌یه‌كمان هه‌بێت بۆئافره‌تا به‌و مانایه‌ی شه‌و تیای دا بمێن نه‌وه ,
زیادله‌مه‌ش كچێك بۆخۆی ده‌چێته لای ئافره‌تێك‌و وانه‌ی قورئان ده‌خوێنێ
له‌م لاشه‌وه له‌نێو كۆمه‌لێك كێشه‌ی ئه‌م ولاته‌دایه‌‌و دواتر توشی
كێشه‌یه‌كی واده‌بێ وابزانم په‌یوه‌ندی به‌حوجره‌وه وه‌نیه "گه‌رچی من
به‌په‌رۆشم بۆهه‌رمندالێكی ئه‌م ولاته كچ بێ یاكوڕ كاتێك توشی بچوكترین كێشه
ده‌بێته‌وه"
5-سه‌باره‌ت به‌نمونه‌ی دوه‌مت به‌لای منه‌وه زۆرسه‌یر‌و سه‌مه‌ره‌یه
به‌لام من له‌نێوان دووكه‌واندا به‌تۆده‌لێم(به‌ڕاستی خه‌جاله‌تیه بۆتۆ
ئه‌وه‌ی نه‌گونجاوه‌‌و به‌خه‌یالتا دادێت بیكه‌یته تۆمه‌تێك‌و پێگه‌ی
حوجره‌كانی پێوه له‌كه‌دار بكه‌یت ) تۆله‌م نمونه یه‌دا كه‌من وه‌كو
سیناریۆیه‌كی خه‌یالی دێته به‌رچاوم توشی تالاسیمای زانیاری ڕاسته قینه
بویت
أ-وێنه‌ی دومندالت زولمه‌ن هه‌لواسیوه كه‌گوایه قوربانی ده‌ستی حوجره‌كانن
من ده‌توانم گه‌روه‌ك تۆ بێویژدان بم به‌تۆمه‌ت وینه‌ی سه‌د منالت بۆهه‌لواسم
و بلێم ئه‌مانه قوربانی ده‌ستی ڕێكخراوه‌كه‌ی تۆن به‌لام تۆمه‌تی ناڕه‌وا
هه‌روه‌ك له‌تۆ دێت له ئێمه‌نایه‌ت "ئه‌گینا حه‌زده‌كه‌م بزانیت كه من
زۆرزانیاری شه‌خسیم ده‌ست كه‌وتون له براده‌رانی نزیكی خۆت كه‌ڕه‌نگه لای‌تۆ
بونایه فرسه‌تت بۆیان ده‌خواست به‌لام بابۆكاتی خۆیان بن" واته كارێكی
ئه‌سته‌م نیه تۆ وێنه‌ی دومندال بێنی به‌لام ویژدانی ده‌وێ
د-دواتر زۆر سه‌یره ئێمه باسی كوردوستان ده‌كه‌ین له كوردوستان ده‌ژین كه‌چی
تۆ باسی به‌غدام بۆده‌كه‌ی گه‌رچی حوجره كه‌لتورێكه زیاتر لای ئێمه بونی
هه‌یه وه‌هه‌م دیسان گریمان بوهتانه كانت ڕاستن من چپه‌یوه‌ندیه‌كم به
قوتابخانه یه‌كی شیعه مه‌زهه‌بی به‌غداوه هه‌یه خۆ گه‌ر باس باسی به‌غدا
بێت شتی زۆر له‌مه خراپتر به‌منالان كراوه ڕۆژانه ده‌یان مندال به‌ر ته
قینه‌وه كان ده‌كه‌ونو بێ باوك‌و بێ دایك ده‌كرێن‌و برسی‌و تین‌وده‌كرێن زیاد
له‌مه‌ش گه‌رتۆ حوجره‌كانی كوردوستان به ڕفتاره‌كانی كۆمه لێك شیعه‌ی به‌غدا
بشكێنیت ئه‌وامنیش حورمه‌تی تۆ‌و رێكخراوه‌كه‌ت به‌گه‌نده‌لی‌و قه‌باحه‌تی
كۆمه‌لێك ڕێكخراوه‌وه ده‌شكێنم هه‌ربۆنمونه له‌م ڕۆژانه‌دا نازانم تاچه‌ند
به‌خه‌به‌ری له‌ڕۆژنامه‌كان .له‌ڕۆژنامه‌ی میدا له‌ژماره
295-296-297-298-299-داكۆمه‌لێك فه‌ساد‌و گه‌نده‌لی ڕه‌وشتی له‌یه‌كێك
له‌ڕێكخراوه‌كانی هاوشێوه‌ی ڕێكخراوه‌كه‌ی جه‌نابت به‌ناوی(مالی
خانزاد)بلاوكرایه‌وه كه‌زۆر له‌وه‌ی تۆباسی ده‌كه‌ی خراپتر بوو كه‌چی
جه‌نابت هه‌رباسیشی ناكه‌یت به هه‌رحال من ده‌رفه‌تی زۆرم نیه‌‌و حه‌زده‌كه‌م
خۆم زیاتر به‌كاری به‌سود‌و كه‌لك دار بۆ گه‌له‌كه‌م سه‌رقال بكه‌م ئه‌گینا
زۆرم لایه .
6- كه‌ده‌لێیت وه‌زاره‌تی په‌روه‌رده له‌كوێیه ئه‌وقاف ده‌رس به‌مندالان
بلێت‌و خولیان بۆ بكاته‌وه‌و ئه‌ی وه‌زاره‌تی په‌روه‌رده له‌كوێیه جه‌نابت
پارێزگاری له‌مندالان بكه‌یت یان وه‌كو خۆت ده‌لێی خولی مۆسیقا‌و گۆرانی‌و
سه‌رحالیان بۆ بكه‌یته‌وه .
له‌كۆتایی داهیوادارم هه‌ستی جه‌نابتم بریندار نه‌كردبێ‌و به‌لكو توانیبیتم
ئاگادارت كه‌مه‌وه له‌و هه‌لانه‌ی كه تێیان كه‌وتوی
|
