سنووره‌كان ته‌نها ده‌روازه‌ی تیرۆر نین

ڕۆژمێری هه‌واڵه‌كانی ئێستای عێراق ڕۆژمێری كوشتن و بڕین و ته‌قینه‌وه‌و ڕفاندنه‌ ، كه‌به‌داخه‌وه دووباره‌بوونه‌وه‌ی ڕووداوه‌كان گه‌یشتۆته ئاستێك ژماره‌ی قوربانی و شێوازه‌كانی کوشتن  سه‌رنج ڕاكێشترین په‌ڕه‌گرافه‌كانی هه‌ر هه‌واڵێك بێت. لێره‌وه ئاستی قه‌باره‌ی كاره‌سات و مه‌ترسی تیرۆر له‌عێراقدا ده‌خوێنرێته‌وه. به‌پێچه‌وانه‌وه‌ هێمنی و ئارامی ئاسایشی باشووری كوردستان  جیاوازیی‌یه‌كی گه‌وره‌ی هه‌یه‌ . ئه‌مه‌ش په‌یوه‌ستی كۆمه‌ڵێك فاكته‌ری نێوخۆیی و ده‌ره‌كین. كه ڕۆڵی یه‌كێتی و پارتی دوو كۆڵه‌كه‌ی گرنگ و به‌شداری لایه‌نه كوردستانی‌یه‌كانی تریش له‌پاڵ ڕۆڵی كوردانه‌ و هاوكارانه‌ی خه‌ڵك تواناو چالاكیه‌كانی تیرۆری له‌كوردستان گچكه كردۆته‌وه.
ئیسلامی ڕامیاری لایه‌نێكی گه‌وره‌ی تیرۆری ناوچه‌كه و جیهانه و له‌كوردستانیش ته‌نها لایه‌نی سه‌ربازیی‌ دژ به ده‌سه‌ڵاتی كوردی‌یه . كه‌وه‌ك هه‌واڵه‌كانی ئه‌م دوایی‌یه نیشانی ده‌ده‌ن خه‌ریكی خۆڕێك خستنه‌وه‌ و په‌لامارن وه‌ك هێرشی پێنجوێن و ته‌قینه‌وه‌ی هه‌ولێر.
لایه‌نه ئیسلامیه‌كانی كوردی له‌باشوور( جگه له ئه‌نساری ئیسلام) ‌به‌شدارن له‌په‌رله‌مان و حكومه‌‌ت و ئه‌مه‌ش گه‌واهی نه‌ته‌وه‌یی بوونیانه و گه‌رچی له‌ڕابردوودا شه‌ڕه‌كانی ( یه‌كێتی و بزووتنه‌وه‌ و كۆمه‌ڵی ئیسلامی) و ( پارتی و یه‌گرتوو) خوێناوی بوون، به‌ڵام كوردستانی بوون پانتایی پێكه‌وه كاردنی هه‌موویانه به ململانێ‌ی ڕامیاری‌ و ئایدۆلۆژی و.... یه‌كتر.
  ده‌سه‌ڵاتی كوردی بۆ گه‌ڕانی بزووێنه‌ر و هانده‌ر و جووڵێنه‌ری ( ئه‌نساری ئیسلام) به سه‌ردانی ئێران بۆ دان و سان خۆی گیرۆده‌ ده‌كات گه‌ر په‌نجه‌ره‌‌یه‌كیش بۆ دیالۆگ له‌گه‌ڵ نه‌یاره‌كه‌ی نه‌كاته‌وه یان  ئایا ته‌قینه‌وه‌ی ئه‌م دوایی یه‌ی هه‌ولێر له‌پراکتیکدا ده‌سه‌ڵاتی کوردی و به‌تایبه‌ت وه‌زاره‌تی ناوخۆ ده‌کاته‌وه‌ به‌یه‌ک..?
. كێشی( ئه‌نساری ئیسلام) هه‌رچه‌ندێك بێت و   سنووره‌كانیش كڵۆم بدرێت به‌ڵام ده‌توانن تیرۆر له‌ناوه‌وه به‌رهه‌م بێنن و ئه‌و ئارامی و هێمنی‌یه‌ی كوردستان  جارناجار بشڵه‌قێنن …
 خۆپاراستن له ده‌رد و په‌‌تای تیرۆر له‌چاره‌سه‌ركردنی باشتره.
شێرزاد عه‌زیز
sherzadmalmo@hotmail.com