شتێک بڵێی 2009

ئه‌نجامه‌كانی هه‌ڵبژاردنی په‌رله‌مان‌و سه‌رۆكایه‌تیی كوردستان‌و ساخته‌كارییه‌كانی
هه‌ڵبژاردنه‌كانی 25-7-2009 ی په‌رله‌مان‌و سه‌رۆكایه‌تیی هه‌رێمی كوردستان بووه‌ جێگه‌ی مشتومڕی زۆر. لیسته‌كان جگه‌ له‌ لیستی كوردستانی ته‌ئكید له‌سه‌ر ئه‌وه‌ ده‌كه‌ن كه‌ لیستی پارتی‌و یه‌كێتی ساخته‌كارییه‌كی یه‌كجار زۆری له‌ پارێزگای هه‌ولێر‌و دهۆك كرد. سایتی زاگرۆس ئاگاداری ئه‌و فه‌وزایه‌ی دواینیوه‌ڕۆ بوو كه‌ هه‌ڵمه‌تی ساخته‌كاری نایه‌وه‌. بۆچوونی خۆت ده‌رباره‌ی هه‌ڵبژاردنه‌كه‌ بنووسه‌‌و ئه‌گه‌ر زانیاریت له‌و باره‌یه‌وه‌ هه‌یه‌ بینووسه‌ با به‌لای كه‌مه‌وه‌ بۆ مێژوو بمێنێته‌وه‌

لیستی گۆڕان و "ته‌ڕه‌زانی" وڵاته‌که‌یان شێواند
هه‌وادارانی لیستی گۆڕان له‌ یه‌که‌م شه‌وه‌وه‌ به‌شێوازێکی دوور له‌ شارستانیه‌ت شه‌قامه‌کانیان به‌ هاوارو هۆڕن لێدان و شێواندنی هاتوچۆو ناڕه‌حه‌تکردنی هاوڵاتیان ڕوویه‌کی شه‌رنگێزیان به‌ هه‌ڵمه‌تی هه‌لبژاردن به‌خشی و له‌ کاردانه‌وه‌ی ئه‌وان لیستی تاڵه‌بانی-بارزانی "ته‌ڕه‌زانی"..

ئایا میلله‌تی پاكستان له‌ كورد زیندووتره‌؟ ڕۆشتنی موشه‌ڕڕه‌ف‌و مانه‌وه‌ی كاكه‌‌و مامه‌
پاش نۆ ساڵ سه‌رۆكایه‌تیی پاكستان په‌روێز موشه‌ڕڕه‌ف له‌ ژێر فشار موعاره‌زه‌‌و جه‌ماوه‌ر ناچار بوو ده‌ست له‌كار بكێشێته‌وه‌. كوردی هه‌رێمیش ماوه‌ی 18 ساڵه‌ مه‌سعوود بارزانی‌و جه‌لال تاڵه‌بانی به‌ڕێوه‌یان ده‌به‌ن به‌ڵام هێشتا ماون‌و موعاره‌زه‌‌و جه‌ماوه‌ری كورد هێنده‌ به‌هێز نین ناچاریان بكه‌ن ده‌ست له‌كار بكێشنه‌وه.

---

قودس پیرۆز نییه‌‌و دڵ پێویست نییه‌
سه‌ركردایه‌تیی كورد خه‌ریك چی بووه‌ له‌و كاته‌ی ناحه‌زانی كورد هه‌وڵیان ده‌دا كه‌ركووك له‌ كوردستان دووربخه‌نه‌وه‌؟ ئایا ئه‌و سیاسه‌تی گونده‌یی‌و گه‌نده‌ڵییه‌ی به‌رپرسانی كورد له‌ كه‌ركووك نه‌بوو كه‌ نه‌یتوانی نموونه‌یه‌كی جوانی فه‌رمانڕه‌وایی كوردی به‌ توركمان ‌و عه‌ره‌ب پێشكه‌ش بكات‌و چوونی كه‌ركووك بۆ سه‌ر هه‌رێمیان لا په‌سه‌ند بكات؟ ئایا سه‌ركردایه‌تیی كورد ئاماده‌یه‌ له‌به‌ر ده‌رهێنانی نه‌وت له‌ هه‌رێم ده‌ستبه‌رداری كه‌ركووك بێت؟

---

نێچیرڤان-رۆتانا
نێچیرڤان بارزانی ئوتێلی رۆتانا هه‌ولێری کرده‌وه‌ که‌ له‌لایه‌ن دوو کۆمپانیای لوبنانی و ئیماراتی کرایه‌‌وه‌. بارزانی له‌ وته‌که‌یدا باسی وه‌به‌رهێنانی کرد بێئه‌وه‌ی پێمان بڵێت ئوتێلی گرانبه‌ها چ جۆره‌ قازانج و پێشکه‌وتن بۆ کورد ده‌هێنێت. هه‌روه‌ها باسی هه‌وڵی حکومه‌تی کرد بۆ چاککردنی گوزه‌رانی خه‌لك کرد بێئه‌وه‌ی ڕوونیبکاته‌وه‌ ئه‌و ئوتیلانه‌ چۆن گوزه‌رانی ڕه‌شوڕووته‌کان باش ده‌که‌ن.

 مه‌سعوود بارزانی: داوای لێبوردن له‌ كه‌سوكاری شه‌هیدانی شه‌ڕی ناوخۆ ده‌که‌م، ئه‌و شه‌ڕه‌ش ((پێمان كرا)).
له‌یادی دامه‌زراندنی یه‌كێتی بارزانی جگه‌له‌ داوای لێبوردن له‌ كه‌سوكاری كوژراوانی شه‌ڕی ناوخۆ‌ ڕایگه‌یاند كه‌ ئه‌و شه‌ڕه‌یان ((پێكرا)).

 ((مانگ جه‌لال)) ڕه‌خنه‌گران به‌ سه‌گی وه‌ڕیو ناو ده‌بات
دیاره‌ ناخی دڵی به‌رپرسانه‌ که‌ غه‌یری خۆیان به‌ سه‌گ ده‌زانن و ناوبردنی نه‌یارانی خۆیان و ته‌نانه‌ت هه‌موو کورد به‌ سه‌گ ته‌عبیر له‌ باوه‌ڕی خۆیان ده‌کات. پاش ئه‌وه‌ی سه‌رۆ قادر کوردی به‌ سه‌گ ناوبردبوو تاڵه‌بانی له‌م ماوه‌یه‌دا خۆی به‌ مانگ وه‌سف کرد، ئه‌وانه‌ش که‌ ڕه‌خنه‌ له‌ یه‌کێتی و پارتی ده‌گرن ئه‌و سه‌گه‌ن که‌ به‌و مانگه‌ ده‌وه‌ڕن.