هاووڵاتییانی سلێمانی پاره‌كانیان له‌ بانكه‌كان وه‌رده‌گرنه‌وه‌‌و كه‌س پاره‌ دانانێت
پاش ئه‌و گرژییه‌ی هه‌ڵمه‌ته‌كانی هه‌ڵبژاردن له‌ سلێمانی ڕێژه‌یه‌كی زۆری ئه‌و كه‌سانه‌ی پاره‌یان له‌ بانكه‌كانی شاره‌كه‌ دانابوو ده‌ستیان كردووه‌ به‌ ڕاكێشانی پاره‌كانیان، به‌رامبه‌ر به‌وه‌ش كه‌س پاره‌ له‌ بانكدا دانانێت. ئه‌و هه‌نگاوه‌ی هاووڵاتییانی سلێمانی ماوه‌ی زیاتر له‌ هه‌فته‌یه‌ك تێبینی كراوه‌‌و هۆكه‌ی ده‌گه‌ڕێته‌وه‌ بۆ دڵه‌ڕاوكێی ئه‌و هاووڵاتییانه‌ی سه‌باره‌ت به‌ بارودۆخه‌كه‌‌و ترسی نه‌مانی پاره‌ له‌ بانكه‌كاندا. به‌پێی ئه‌و ده‌نگۆییانه‌ی له‌ناو شاره‌كه‌دا بڵاوه‌ پاره‌ی ناو بانكه‌كان ڕه‌وانه‌ی قه‌ڵاچوالان، كه‌ مه‌ڵبه‌ندێكی سه‌ره‌كیی سیاسی‌و سه‌ربازیی یه‌كێتییه‌‌و هه‌ولێر كراون، به‌پێی ئه‌و ده‌نگوباسانه‌ی ناو هاووڵاتییانش پاره‌ له‌ بانكه‌كاندا نه‌ماوه‌، به‌ڵام ئه‌و بانكانه‌ به‌رده‌وامن له‌ دانه‌وه‌ی پاره‌كان.